شیخوپورہ میں ماہ محرم الحرام کا آغاز ہوتے ہی امام بارگاہوں میں مجلس عزاء برپا کی جا رہی ہیں۔ ضلعی انتظامیہ اور پولیس کی جانب سے امام بارگاہوں کے اطراف سکیورٹی کے سخت انتظامات کیے جا رہے ہیں۔ ڈپٹی کمشنر شیخوپورہ محمد اصغر جوئیہ نے ڈی پی او شیخوپورہ احسن سیف اللہ کے ہمراہ شہر کی مختلف امام بارگاہوں کا دورہ کیا اور سکیورٹی انتظامات کا جائزہ لیا۔ڈپٹی کمشنر محمد اصغر جوئیہ کا کہنا تھا کہ ضلع بھر میں 350 سی سی ٹی وی کیمرے نصب کیے گئے ہیں اور مانیٹرنگ کے لیے ڈپٹی کمشنر آفس میں کنٹرول روم قائم کیا گیا ہے۔ اس موقع پر ڈی پی او احسن سیف اللہ نے بتایا کہ متعلقہ تھانوں کے ایس ایچ اوز کو ماہ محرم الحرام کے دوران فول پروف سکیورٹی انتظامات کو یقینی بنانے کی ہدایت کی ہیں۔ ڈی پی او احسن سیف اللہ کا کہنا تھا کہ یکم محرم سے یوم عاشور تک 669 مجالس کے پروگرام اور 227 جلوس ضلع بھر میں منعقد ہونگے اور 2 ہزار سے زائد پولیس اہلکار و افسران اپنی ڈیوٹی سر انجام دیں گے۔ ڈپٹی کمشنر محمد اصغر جوئیہ نے کہا کہ ماہ محرم الحرام کے دوران بین المذاہب ہم آہنگی اور بھائی چارے کو فروغ دینے کی ضرورت ہے۔ انہوں نے کہا کہ محرم کے دوران کسی کو امن و امان کی فضا کو خراب کرنے کی اجازت نہیں دی جائے گی اور نقص امن پیدا کرنے والوں سے آہنی ہاتھوں سے نمٹا جائے گا۔ ڈپٹی کمشنر نے ضلع میں امن و امان قائم رکھنے کے لیے شہریوں سے تعاون کی اپیل کی ہے۔
No comments:
Post a Comment