قائداعظم بزنس پارک شیخوپورہ میں جدید طرز کا آٹو ٹیکنالوجی پارک بنایا جارہا ہے، اسلم اقبال
صوبائی وزیر صنعت و تجارت میاں اسلم اقبال نے کہا کہ قائداعظم بزنس پارک شیخوپورہ میں جدید طرز کا آٹو ٹیکنالوجی پارک بنایا جارہا ہے۔
تفصیلات کے مطابق صوبائی وزیر صنعت و تجارت میاں اسلم اقبال کی زیر صدارت پیڈمک آفس میں اجلاس ہوا جس میں پیڈمک کے زیر احتمام صنعتی مراکز میں ترقیاتی کاموں پر پیش رفت کا جائزہ لیا گیا۔
اس کے علاوہ میاں اسلم اقبال نے قائداعظم انڈسٹریل اسٹیٹ میں آٹو سپورٹس سنٹر کا دورہ بھی کیا اور کئی سال سے بند پڑے آٹو سپورٹس سنٹر کو بحال کرنے کا فیصلہ کیا۔
اس جلاس میں چیئرمین پیڈمک سید نبیل ہاشمی اور سی ای او علی معظم سید نے جاری منصوبوں کے متعلق بریفنگ دی اور سید نبیل ہاشمی نے کہا کہ پیڈمک کے زیر انتظام منصوبوں پر ترجیحی بنیادوں پر کام کیا جارہا ہے۔
میاں اسلم اقبال نے کہا کہ صوبے بھر کے صنعتی مراکز میں عالمی معیار کا انفراسٹرکچر فراہم کیا جارہا ہے، جدید کاروباری سہولیات سے آراستہ صنعتی زونز سے صوبے کی معشیت مضبوط ہوگی۔
صوبائی وزیر صنعت و تجارت میاں اسلم اقبال نے قائداعظم بزنس پارک اور ملٹی پرپز بزنس سنٹر کو بروقت مکمل کرنے کی ہدایت دی اور آٹو سپورٹس سنٹر کی بحالی کے لئے تجاویز مرتب کرکے پیش کرنے کی بھی ہدایت دی۔
میاں اسلم اقبال نے مزید کہا کہ قائداعظم انڈسٹریل اسٹیٹ میں موجود آٹو سپورٹس سنٹر کو ٹیکنالوجی پارک سے منسلک کیا جائے گا، آٹو سپورٹس سنٹر میں طلبا کی ٹریننگ کے لئے کلاسز شروع کی جائیں گی اور رواں مالی سال آٹو سپورٹس سنٹر کی بحالی کا کام بھی شروع کیا جائے گا۔
اجلاس میں چیئرمین پیڈمک سید نبیل ہاشمی ، سی ای او، بورڈ ممبران اور متعلقہ افسران نے شرکت کی۔
No comments:
Post a Comment